千禧年對我咁有啥麼希望？

by 王陳美滿口述‧往事整理

真衰！若不是去另外一間病院檢查，我嘛不需要開刀。七十外（多）了， 麻煩這儕（多）囝來病院給我顧，對伊們嘛真歹勢。開了（開了刀）身體嘛無較爽快，定 定這痛那痛，厚（常）操煩的我感覺人生愈來愈黑暗，嘛不知卜閣活偌久（不知能活多久）？人 佇（在）病院，我著憂憂佮（和）阮老公仔說：「你千萬毋通（不可）放我一個人喔！」

×　　×　　×　　×　　×

出世在戰時（二次大戰）中，我讀到小學畢業就自願無要閣（再）讀冊（書），趕緊去趁錢（賺錢）。二十出頭，我著嫁給在糖廠上班的阿義，彼厝（他家）住 在雲林庄腳，一開始著（就）誠（真）麻煩。我是長老會的基督教徒，毋捌（未曾）舉過香，袂曉（不會）準備牲醴，大家（婆婆）對我無啥愜意（ㄍㄚˋ ㄧˇ，滿意）；我嘛看伊們是庄腳人，沒啥麼智識，心內嘛誠無爽快。彼陣小叔、小姑都還細漢，做人大嫂的定定著（常常）要拿錢回鄉下，我嘛誠氣這些一天到晚 想卜（要）撈錢的大姑小叔。

囝一個一個出世，手頭越來越緊。但是阮彼個一世人攏是了尾仔囝（不肖子）的小叔仔，三不五十的著從庄腳來，閣帶著伊的王兄柳弟（拜把交），著是卜揩油幾工（天）。我氣在心內，嘛只好招待伊們。

有一陣仔，厝內負債累累，阿義只好去印尼做空課（工作），留我一個帶六個囝，有的在台北讀大專、有的在讀初中。為著省錢，我自己種菜，也等欲暗仔（黃昏）才向賣豬肉的買俗（便宜）貨。今仔日（今天）想起來，彼些豬肉當然嘛不鮮，但是彼陣（那時）嘛無法度啊！

等囝逐人嫁娶（孩子娶的娶、嫁的嫁），我嘛無卡清心，歸工（整天）嘛在操煩大漢囝的婚姻，煩惱細漢囝無卜娶某。頭拜看到阮媳婦的相片，我就對伊的面型 仔印象不好，激烈反對伊們往來。阮囝跟我大鬧，我痛苦甲卜自殺，嘛只好答應伊們的婚事。結果，你看，伊們這陣感情嘛誠壞，當初著要聽我的嘛！

講實在的，阮這六個囝攏不壞，攏真友孝。查某囝常常勸我，妳比誰、誰、誰攏卡好命啊，不要安呢（這樣）想不開，老爸嘛對妳真體貼，妳有啥麼無滿足的？ 講起阮這個老公仔，老啊老番顛，常常開屜仔（抽屜）就不記得關，記持（記性）有夠壞。阮查某囝聽到著真不服，說，外面的代誌妳攏叫老爸做，去郵局、跑銀 行、種菜甚至買菜，這些妳攏做不來咧，毋通閣嫌伊啊！想想嘛有樣，阮老公仔身體袂壞（不壞），卡會安排生活。

查某囝誠氣我看不開，有時我給她們罵罵咧，著看卡開一時仔。但是無偌久（沒多久），我著想起死真久但是永遠也記得的可惡大家、小叔，想起過去一寡仔 （一些）要害阿義調職的彼些同事，想起為了離婚的查某囝強推銷化妝品給我的老同學、予我真無面子的阿姊，想到還沒娶某、老來卜按怎的四十歲細漢囝……，無 怪我逐暝攏睡不去，讀聖經嘛無效，身體嘛愈來愈瘦、愈來愈弱。

活到2000年，咁有啥麼通慶祝的？我不想卜和彼個姓蔣的老妖婆共款，活過三個世紀。我上煩惱的著是，萬一老公仔先走，我是卜按怎咧（該怎麼辦）？